شاعر يرد على نظرات فتاه ؟؟؟

من طرف **z3eem f208** السبت يناير 10, 2009 5:12 pm

" .. { بسم الله الرحمن الرحيم } .. "

قصة بنت كانت تطالع واحد بعين قويه
المهم الرجل طلع شاعر وما قصر فيها
بكم بيت عشان تتأدب ..
لكن المفاجأه بالآخر ..؟؟؟؟

...

كل شبر بهالوسيعه ملك ربي تعلمين
وأعلم إن اللي خلقني هو خلق لك هالعيون

--//**//**//--

لكن أنتي من جلستي وأنتي فيني تحدقين
كن ما به ناس غيري بهالكراسي يجلسون

--//**//**//--

ول سمحتي عاد أسمعيني وحتى لو ما تسمحين
المهم اللي بقوله تسمعينه ويسمعون

--//**//**//--

ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون

--//**//**//--

الركاده عاد زينه والحياء في البنت زين
وفيك جآزم لا ركاده وحياء يذكرون

--//**//**//--

تعرفيني ؟! أعرفك ؟! ما أذكر إنا ملتقين
لا أعرفك من تكوني ولا تعرفي من أكون

--//**//**//--

وإطمأني إن كان قصدك بس فيني تشبهين
ما هو أنا إلي تعرفيه والبشر يتشابهون

--//**//**//--

ما دريتي من التشابه يخلق الله أربعين
وأعرف أربع يشبهنك بس والله يستحون

--//**//**//--

إن كان قصدك شي ثاني عاد قولي وش تبين
خايف إنا نصير فرجه إللي ماشتروا يتفرجون

--//**//**//--

وإذا ببالك عاجبتني لا يحوشك تحلمين
صح ربعي من جمالك فيك صار يمدحون

--//**//**//--

بس وش لي في حلاتك دام فيها ترخصين
حشمة البنت وحياها والكرامه يلفتون

--//**//**//--

ولو توفر فيك هذا مع حلاتك تبشرين
ما هو أنا ألف غيري باب بيتك يطرقون

--//**//**//--

وش علامك رغم كل اللي أقوله وتسكتين
مو طبيعي هالسكوت وهالبرود وهالسكون

--//**//**//--

إنتي خرسا أسألك ومنتي تسمعين ؟؟
قالوا ربعي ذي كفيفه قلت لا لا تمزحون

--//**//**//--

لين شفتك يوم رحتي يمسكونك باليدين
ما دريت إلا عيوني أربع أربع يذرفون

--//**//**//--

آه ياني منه مشهد يوم شفتك ترحلين
جيت أشوف عيون ربعي لقيت الكل يدمعون

--//**//**//--

قلت سنة هالحياه وحنا ترانا مؤمنين
الله اللي مسيرنا بين كافـ وبين نونـ

--//**//**//--

وكل أبونا نختلف مع إننا من أصل طين
سبحان يلي مصورنا ولله في خلقه شؤون

--//**//**//--

يعني حنا كل أبونا عاد إسمنا بنآدمين
وليا قضى ربك أمر قال له كن فيكون

--//**//**//--

فينا يلي رازقه خير رب العالمين
وفينا يلي هو لعطفه بحاجة القلب الحنون

--//**//**//--

وفينا يلي ما شكى من عله كالآخرين
صمٌ وبكمٌ وعميُ فهم لا يفقهون

--//**//**//--

بس قليل عاد فينا للنعم هم شاكرين
والله يرزق هالخلايق من حيث هم لا يعلمون

--//**//**//--

وتدري عاد يالكفيفه حنا ترى متشابهين
وإن ما أنعمت أبصارنا قلوبنا هم إللي يعتمون

--//**//**//--

يالكفيفه يالعفيفه إن قلت آسف تقبلين ؟؟
يغفر الله ذنوب عبده ليا خطا وهل تغفرون ؟؟؟

--// وسلامتكم //--

...

شاعر يرد على نظرات فتاه ؟؟؟ No